Psa 67 | SwhKC | STEP | (Kwa Mwimbishaji: Na Ala Za Nyuzi Za Muziki. Zaburi. Wimbo) Mungu aturehemu na kutubariki, na kutuangazia nuru za uso wake,

Psalms 67

Mataifa Yahimizwa Kumsifu Mungu

(Kwa Mwimbishaji: Na Ala Za Nyuzi Za Muziki. Zaburi. Wimbo)

1 ^aMungu aturehemu na kutubariki,
na kutuangazia nuru za uso wake,

2 ^bili njia zako zijulikane duniani,
wokovu wako katikati ya mataifa yote.

3 ^cEe Mungu, mataifa na wakusifu,
mataifa yote na wakusifu.

4 ^dMataifa yote wafurahi na kuimba kwa shangwe,
kwa kuwa unatawala watu kwa haki
na kuongoza mataifa ya dunia.

5 ^eEe Mungu, mataifa na wakusifu,
mataifa yote na wakusifu.

6 ^fNdipo nchi itatoa mazao yake,
naye Mungu, Mungu wetu, atatubariki.

7 ^gMungu atatubariki
na miisho yote ya dunia itamcha yeye.